ເຖິງລູກຄ້າທຸກທ່ານ, ໂຮເຣສ໌ກ້າ ຂໍໃຫ້ທ່ານສຶກສາຂໍ້ກຳນົດກ່ຽວກັບການນໍາໃຊ້ເວັບໄຊທ໌ຢ່າງລະອຽດ, ການໃຊ້ເວັບໄຊທ໌ ແລະ ລະບົບຕ່າງໆຂອງເວັບໄຊທ໌ Horesca.la ແລະ ແອັບພີເຄຊັ່ນ HORESCA ນີ້ ທ່ານຈະຕ້ອງກວດສອບລາຍລະອຽດ ແລະ ອ່ານເງື່ອນໄຂຕ່າງໆ ເມື່ອໃຊ້ເວັບໄຊທ໌ Horesca.la ແລະ ແອັບພີເຄຊັ່ນ HORESCA ແລະ ເມື່ອທ່ານນໍາໃຊ້ ເວັບໄຊທ໌ Horesca.la ແລະ ແອັບພີເຄຊັ່ນ HORESCA ນີ້ຕໍ່ໄປຖືວ່າທ່ານໄດ້ໃຫ້ຄວາມຍິນຍອມໃນການປ່ຽນແປງຕ່າງໆທີ່ອາດຈະມີຂຶ້ນ.

ຂໍ້ມູນທຸກຢ່າງໃນເວັບໄຊທ໌ນີ້ໄດ້ຮັບການຄຸ້ມຄ້ອງໃນຮູບແບບຂອງວຽກທີ່ມີລິຂະສິດຕາມກົດໝາຍ ລິຂະສິດ ແລະ ເຄື່ອງໝາຍ ການຄ້າ ຫຼື ຊັບສິນທາງປັນຍາອື່ນໆ ທີ່ເປັນຂອງ ໂຮເຣສ໌ກ້າ ແລະ ບໍລິສັດລູກ ແລະ ແບຣນທີ່ກ່ຽວຂ້ອງ ຫຼື ຄູ່ສັນຍາທາງທຸລະກິດອື່ນໆ ທີ່ອະນຸຍາດໃຫ້ ບໍລິສັດ ໂຮເຣສ໌ກ້າ ຈຳກັດຜູ້ດຽວ ນໍາໃຊ້ຊັບສິນທາງປັນຍາໄດ້ຄືດັ່ງເຈົ້າຂອງໂດຍກົງ ຊຶ່ງໂຮເຣສ໌ກ້າ ຂໍສະຫງວນໃນການໃຊ້ຊັບສິນທາງປັນຍາຈະບໍ່ອະນຸຍາດໃຫ້ບຸກຄົນອື່ນນໍາເອົາໄປໃຊ້ປະໂຫຍດຕໍ່ຢ່າງຊັດເຈນ.

ທ່ານຈະສັ່ງຊື້ທ່ານຕ້ອງລົງທະບຽນໂດຍໃສ່ໂດຍໃຊ້ຊື່ແທ້ ແລະ ເບີທີ່ສາມາດຕິດຕໍ່ໄດ້ ແລະ ຊື່ຜູ້ໃຊ້ (Username) ແລະ ລະຫັດຜ່ານ (Password) ຂອງບັນຊີຜູ້ໃຊ້ (Account) ຂອງທ່ານ ຫ້າມໃຫ້ກັບບຸກຄົນພາຍນອກຮັບຮູ້ ຫຼື ນຳໃຊ້ຮ່ວມກັນ ທ່ານຈະຕ້ອງຮັບຜິດຊອບແຕ່ພຽງຜູ້ດຽວໃນການຮັກສາຄວາມລັບຂອງບັນຊີ ຜູ້ໃຊ້ຂອງທ່ານ ລວມເຖິງກິດຈະກຳທຸກຢ່າງທີ່ເກີດຂື້ນຜ່ານບັນຊີຂອງທ່ານ ໂຮເຣສ໌ກ້າ ຈະບໍ່ຮັບຜິດຊອບຕໍ່ການສູນເສຍໃດໆ ທີ່ເກີດຈາກການໃຊ້ບັນຊີຂອງທ່ານໂດຍບໍ່ຮັບອະນຸຍາດທ່ານຕົກລົງ ແລະ ໃຫ້ຄຳໝັ້ນສັນຍາວ່າຈະບໍ່ປອມເປັນບຸກຄົນອື່ນ ຫຼື ລະບຸຄຳເວົ້າທີ່ບໍ່ແມ່ນຄວາມຈິງ ຫຼື ສະແດງຕົນເອງແບບຫຼອກລວງດ້ວຍປະການອື່ນໆທີ່ກ່ຽວຂ້ອງກັບບຸກຄົນອື່ນ.

ຂໍ້ມູນທຸກຢ່າງທີ່ສະແດງຢູ່ໃນເວັບໄຊທ໌ Horesca.la ແລະ ແອັບພີເຄຊັ່ນ HORESCA ນີ້ ຈະໃຊ້ເພື່ອຈຸດປະສົງສ່ວນບຸກຄົນເທົ່ານັ້ນ ທ່ານຍອມຮັບ ແລະ ຕົກລົງວ່າຈະບໍ່ນຳໄປເຜີຍແພ່ສ່ວນຕົວ, ຕັດຕໍ່, ປ່ຽນແປງ ຫຼື ເຮັດແບບດຽວກັນ ຫາກລະເມີດສິດຕ່າງໆເຫຼົ່ານີ້ຈະຕ້ອງມີການດຳເນີນງານທາງດ້ານອຳນາດຕຸລາການຕາມຄວາມ ເໝາະສົມ ແລະ ທ່ານຈະຊົດໃຊ້ ຕໍ່ສູ້ຄະດີຄວາມ ແລະ ປ້ອງກັນ ໂຮເຣສ໌ກ້າ ຈາກຄວາມເສຍຫາຍທີ່ເກີດຂຶ້ນ.

ໂຮເຣສ໌ກ້າ ຈະບໍ່ຮັບຜິດຊອບຕໍ່ທ່ານ ແລະ ບຸກຄົນພາຍນອກຫາກເກີດຄວາມຜິດພາດ ຕໍ່ກັບລາຍລະອຽດສິນຄ້າຂອງເວັບໄຊທ໌ນີ້ ຫຼື ຕໍ່ການກະທຳຕ່າງໆທີ່ເກີດຈາກເນື້ອຫາເຫຼົ່ານີ້ ແລະ ພາຍໃຕ້ກົດໝາຍທີ່ກ່ຽວຂ້ອງ ໂຮເຣສ໌ກ້າ ຈະບໍ່ຮັບຜິດໃນຄ່າເສຍຫາຍຕ່າງໆທີ່ເກີດຈາກທາງກົງ ຫຼື ທາງອ້ອມລວມທັງຄ່າເສຍຫາຍຂ້າງຄຽງໃດໆ, ຄ່າເສຍຫາຍພິເສດ ຫຼື ຄ່າເສຍຫາຍເຊີງລົງໂທດ ອັນເປັນຜົນຈາກການໃຊ້ເນື້ອຫາ ແລະ ລະບົບຂອງເວັບໄຊທ໌ ແລະ ແອັບພີເຄຊັ່ນ.

ເຖິງແມ່ນວ່າ ໂຮເຣສ໌ກ້າ ຈະໄດ້ຮັບຄ່າແນະນໍາກ່ຽວກັບຄວາມເປັນໄປໄດ້ຂອງຄວາມເສຍຫາຍກໍຕາມ ທັງນີ້ ໂຮເຣສ໌ກ້າ ອາດຈະຕ້ອງຮັບຜິດໃນຄ່າເສຍຫາຍອັນເກີດຈາກການສະແດງ ຫຼື ນຳສະເໜີຂໍ້ມູນໂດຍທຸຈະລິດໂດຍຕົວ ໂຮເຣສ໌ກ້າ ເອງໃນກໍລະນີທີ່ເກີດກໍລະນີເສຍຊີວິດ ຫຼື ມີຜູ້ໄດ້ຮັບຄວາມເສຍຫາຍອັນເນື່ອງຈາກຄວາມປະມາດຂອງໂຮເຣສ໌ກ້າ ໂຮເຣສ໌ກ້າຈະໃຊ້ຄວາມຊຳນານ ແລະ ຄວາມລະມັດລະວັງຢ່າງສູງສຸດ ຄວາມສາມາດໃນການກຽມເວັບໄຊທ໌ ແຕ່ຈະບໍ່ຮັບປະກັນຄວາມຖືກຕ້ອງແມ່ນຍຳຂອງລາຍລະອຽດສິນຄ້າ.

ໂຮເຣສ໌ກ້າຈະຮັບປະກັນການເຂົ້າເຖິງເວັບໄຊທ໌ ເມື່ອໃດກໍໄດ້ ແລະ ຕະຫຼອດເວລາ ບໍ່ຮັບປະກັນຄວາມໜ້າເຊື່ອຖືຂອງເວັບໄຊທ໌ບໍ່ວ່າໃນກໍລະນີໃດໆ ບໍ່ຮັບຮອງວ່າລະບົບການເຮັດວຽກຂອງເວັບໄຊທ໌ຈະບໍ່ຖືກລົບກວນ ຫຼື ປາສະຈາກຂໍ້ຜິດພາດ ໂຮເຣສ໌ກ້າ ບໍ່ຮັບຮອງວ່າຂໍ້ບົກຜ່ອງເຊັ່ນວ່ານັ້ນຈະໄດ້ຮັບການແກ້ໄຂ ແມ້ວ່າຈະໄດ້ຮັບເຖິງຂໍ້ບົກຜ່ອງເຊັ່ນວ່ານັ້ນກໍຕາມ.

ທ່ານສາມາດເລືອກຮັບສິນຄ້າພາຍໃນວັນໄດ້ຕາມພື້ນທີ່ຈັດສົ່ງຂອງເຮົາໂດຍຕ້ອງສັ່ງຊື້ສິນຄ້າພາຍໃນເວລາ ຂອງວັນທີ່ທາງບໍລິສັດໄດ້ກຳນົດໄວ້ ຫາກເຮັດການສັ່ງຊື້ສິນຄ້າຫຼັງຈາກເວລາດັ່ງກ່າວສາມາດເລືອກຮັບສິນຄ້າໄດ້ຈາກບໍລິການ Express ຫຼື ບໍລິການຈັດສົ່ງສິນຄ້າແບບປົກກະຕິໃນວັນຕໍ່ໄປ.

ແມ່ນທາງບໍລິສັດແມ່ນສົ່ງສິນຄ້າໃຫ້ຟຣີໃນໄລຍະທາງ 10 ກິໂລແມັດຈາກສາງສິນຄ້າ ເມື່ອຊື້ສິນຄ້າຄົບ 300,000 ກີບ ແລະ ມີກໍານົດເວລາ 2 ຮອບສົ່ງຕໍ່ວັນດັ່ງນີ້:

• ຮອບທີ1: ພາຍໃນເວລາ 9:30-11:30 ໂມງ
• ຮອບທີ2: ພາຍໃນເວລາ 14:30-16:30 ໂມງ

Express Delivery ຄືບໍລິການສົ່ງດ່ວນພາຍໃນ 1 ຊົ່ວໂມງດ້ວຍລົດຈັກ ແລະ ລົດໃຫຍ່ ໂດຍການສັ່ງຊື້ຜ່ານ WWW.HORESCA.LA ແລະ HORESCA application ໂດຍພະນັກງານຂອງ HORESCA Express ເປັນຜູ້ໃຫ້ບໍລິການທ່ານສາມາດເລືອກຮອບຈັດສົ່ງສິນຄ້າແບບສົ່ງດ່ວນໄດ້ທຸກຊົ່ວໂມງຕັ່ງແຕ່ 9:00 -20:00 ໂມງ ໂດຍໄລຍະເວລາການຈັດສົ່ງຈະອ້າງອີງຈາກເວລາທີ່ທ່ານເຊັກເອົ້າ (ຊໍາລະຄ່າສິນຄ້າ).

ຕົວຢ່າງ: ໃນກໍລະນີທີ່ທ່ານເຊັກເອົ້າ (ຊຳລະຄ່າສິນຄ້າ) ສິນຄ້າລະຫວ່າງ 9:01-10:00 ຮອບຈັດສົ່ງທີ່ໄວທີ່ສຸດທ່ານສາມາດເລືອກໄດ້ແມ່ນຮອບຈັດສົ່ງ 14:00- 16:30 ໂມງ ທັງນີ້ຂື້ນຢູ່ກັບຮອບຈັດສົ່ງທີ່ວ່າງຂະນະນັ້ນ.

ຂະນະນີ້ເຮົາໃຫ້ບໍລິການ Express Delivery ສະເພາະບາງພື້ນທີ່, ຄ່າບໍລິການ Express Delivery ຢູ່ລະຫວ່າງ 5,000 ກີບ ຂຶ້ນໄປຂື້ນຢູ່ກັບພື້ນທີ່ຈັດສົ່ງດັ່ງລາຍລະອຽດລຸ່ມນີ້:

• ພື້ນທີ່ຈັດສົ່ງທີ່ມີຄ່າບໍລິການ 5,000 ກີບ ແມ່ນໄລຍະທາງພາຍໃນ 3 ກິໂລແມັດ.
• ພື້ນທີ່ຈັດສົ່ງທີ່ມີຄ່າບໍລິການ 10,000 ກີບ ແມ່ນໄລຍະທາງພາຍໃນ 7 ກິໂລແມັດ.
• ພື້ນທີ່ຈັດສົ່ງທີ່ມີຄ່າບໍລິການທີ່ຫຼາຍກວ່າ 8ກິໂລແມັດ ຂຶ້ນໄປແມ່ນ 10,000 ກີບ + 2000 ກີບ/ກິໂລແມັດ.

ບໍລິສັດຂໍສະຫງວນສິດທິທີ່ຈະບໍ່ຈັດສົ່ງສິນຄ້າແຊ່ເຢັນປະເພດຊີ້ນສັດບາງລາຍການດ້ວຍບໍລິການສົ່ງດ່ວນໃນກໍລະນີທີ່ຄຳສັ່ງຊື້ນ້ຳໜັກຫຼາຍກ່ວາ 20 ໂລ ເຮົາຂໍສະຫງວນສິດທິໃນການປ່ຽນແປງວິທີຈັດສົ່ງ ຫຼື ໄລຍະເວລາໃນການຈັດສົ່ງ. ບໍລິສັດຂໍສະຫງວນສິດທິທີ່ຈະບໍ່ຈັດສົ່ງສິນຄ້າແຊ່ເຢັນປະເພດຊີ້ນສັດບາງລາຍການດ້ວຍບໍລິການສົ່ງດ່ວນໃນກໍລະນີທີ່ຄຳສັ່ງຊື້ນ້ຳໜັກຫຼາຍກ່ວາ 20 ໂລ ເຮົາຂໍສະຫງວນສິດທິໃນການປ່ຽນແປງວິທີຈັດສົ່ງ ຫຼື ໄລຍະເວລາໃນການຈັດສົ່ງ.

ສຳລັບບໍລິການ Express Delivery ລູກຄ້າສາມາດເຊັກເອົ້າ ຊໍາລະຜ່ານ BCEL One pay ແລະ ເງິນສົດເມື່ອຮັບສິນຄ້າເທົ່ານັ້ນ.